ԱՌԱՋԻԿԱ ԵՐԵՔ ՏԱՐԻՆԵՐԻ ԸՆԹԱՑՔՈՒՄ ԿԹՎԱՅՆԱՑՎԵՆ ՀԱՅԱՍՏԱՆՈՒՄ
ԱՐՏԱԴՐՎԱԾ ԲՈԼՈՐ ՖԻԼՄԵՐԸ
13-09-2005 15:00:00 | Հայաստան | Մշակույթ
ԵՐԵՎԱՆ, 13 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Մոտակա երեք տարիների
ընթացքում թվայնացվելու են Հայաստանում արտադրված բոլոր ֆիլմերը:
Այս մասին սեպտեմբերի 13-ի ասուլիսում հայտնեց Հայաստանի Ազգային
ֆիլմադարանի փոխտնօրեն Գարեգին Զաքոյանը: Նա նշեց, որ Ֆիլմերը
թվայնացվելու են հիմնականում ոչ թե պահպանման, այլ օգտագործման
նպատակով: Գործընթացն ավարտելուց հետո ֆիլմադարանում կպահպանվեն
ինչպես ֆիլմերի բնօրինակները, այնպես էլ թվայնացված տարբերակներից
3-ական օրինակներ:
Գարեգին Զաքոյանը հայտնեց, որ կթվայնացվեն նաեւ Մոսկվայում
պահպանվող` «Հայֆիլմ»-ի կողմից նկարահանված 150 ֆիլմերը: