ՀԻՄՆՎԵԼ Է ԴԱՍԱԿԱՆ ԵՐԱԺՇՏՈՒԹՅԱՆ ԲՆԱԳԱՎԱՌՈՒՄ ՀԱՆՐԱՊԵՏՈՒԹՅԱՆ
ՆԱԽԱԳԱՀԻ ԵՐԻՏԱՍԱՐԴԱԿԱՆ ԱՄԵՆԱՄՅԱ ՄՐՑԱՆԱԿ
01-12-2005 15:35:00 | Հայաստան | Մշակույթ
ԵՐԵՎԱՆ, 1 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: ՀՀ
նախագահ Ռոբերտ Քոչարյանի նոյեմբերի 30-ի հրամանագրով հիմնվել է
դասական երաժշտության բնագավառում հանրապետության նախագահի
երիտասարդական ամենամյա մրցանակ` երգեցողության եւ գործիքային
կատարման անվանակարգերում:
Յուրաքանչյուր անվանակարգում կշնորհվի մեկական մրցանակ`
համանուն վկայագրի, շքանշանի եւ դրամական պարգեւի ձեւով:
Ինչպես «ՆՈՅՅԱՆ ՏԱՊԱՆ»-ին հայտնում են ՀՀ նախագահի մամլո
գրասենյակից, մրցանակը հիմնվել է` հաշվի առնելով «Ռոբերտ Պողոսյան
եւ որդիներ» հիմնադրամի անդամներ Ժան եւ Ալբերտ Պողոսյանների եւ
«Հայաստան» համահայկական հիմնադրամի միջեւ կնքված համաձայնագիրը: