ՌԻԳԱ, 8 ՀՈՒՆՎԱՐԻ, ՆՈՅՅԱՆ ՏԱՊԱՆ: Անցած գիշեր իր տան բակում
սպանվել է «Արենա Ռիգա» բազմագործառնական սրահի համասեփականատեր
Էլլա Իվանովան: Երկրի պետական ոստիկանության մամուլի եւ
հասարակական կապերի գրասենյակի տվյալներով, կնոջ վրա վեց անգամ
կրակել են: Ոստիկանությունը քննում է սպանության երկու վարկած`
կողոպուտի նպատակով եւ սպանվածի ձեռնարկատիրական գործունեության
հետ կապված: Դեպքի կապակցությամբ ձերբակլվել է մեկ կասկածյալ,
հաղորդում է Delfi-ն:
Ինչպես հայտնել է Ռիգայի ոստիկանության գլխավոր վարչության
մամլո կենտրոնի ներկայացուցիչ Սիգիտա Պիլդավան, կասկածյալը
ձերբակալվել է հանցագործության վայրից մի քանի կիլոմետր հեռու:
Ըստ Baltic Screen-ի հետազոտության տվյալների, որ 2007
թվականին հրապարակվել են Pastaiga հանդեսում, Իվանովան ամուսնու
հետ ընդգրկված էր Լատվիայի 30 ամենահարուստ մարդկանց ցուցակում: