ՉԻՆԱՑԻ ՊԱՇՏՈՆՅԱՆ ԿԱՇԱՌԱԿԵՐՈՒԹՅԱՆ ՀԱՄԱՐ ԴԱՏԱՊԱՐՏՎԵԼ Է
ՄԱՀԱՊԱՏԺԻ
28-12-2007 17:48:00 | Չինաստան | Միջազգային
ՊԵԿԻՆ, 28 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Չինաստանի դատարանը
Անխոյ նահանգի նախկին նահանգապետ Խե Մինսյույին կաշառակերության
համար դատապարտել է մահապատժի: Նրա սեփականությունը բռնագրավվել է
հօգուտ պետության:
Ինչպես հաղորդում է «Reuters»-ը, Մինսյույը դատապարտվել է 27
կազմակերպություններից եւ մասնավոր անձանցից 1991-2006 թթ.
ժամանակամիջոցում ավելի քան մեկ միլիոն դոլար գումարի կաշառք
պահանջելու համար: Դատարանը որոշել է երկու տարով հետաձգել
մահապատիժը, քանի որ մեղադրյալը «քննությանը օգնություն
ցուցաբերելու նախաձեռնություն է դրսեւորել», պետությանը
վերադարձրել գումարի մի մասը եւ քննիչներին հայտնել կոռուպցիայի
գործի հետ կապված այլ մարդկանց անուններ: