ԼՈՆԴՈՆ, 14 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հարրի Փոթերի մասին վիպաշարի հեղինակ, բրիտանացի հայտնի գրող Ջոան Ռոուլինգի ձեռագիր հեքիաթների գիրքը Լոնդոնի աճուրդում վաճառվել է 2,7 մլն. եվրոյով (1,95 միլիոն ֆունտ ստերլինգ): Այս մասին հայտնել են «Սոթբիս» աճուրդի տան ներկայացուցիչները: «Մենեստրել Բիդլի հեքիաթները» ոչ միայն գրված են, այլ նաեւ նկարազարդված են անձամբ Ռոուլինգի կողմից: Ըստ աճուրդի կազմակերպիչների, այն գումարը, որով բրիտանացի ոմն հավաքորդ ձեռք է բերել ձեռագիրը, ավելի քան 40 անգամ գերազանցել է մեկնարկային արժեքը: Վաճառքից գոյացած հասույթը կուղղվի հենց Ջոան Ռոուլինգին պատկանող «Ձայն մանկանց» բարեգործական հիմնադրամին:

---