ՎԱՇԻՆԳՏՈՆ, 14 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Գուանտանամոյի (Կուբա) ամերիկյան ռազմական բազայում տեղավորված ռազմագերիների բանտից ազատ են արձակվել 15 բանտարկյալներ: Բոլոր ազատվածները ուղարկվել են հայրենիք: Ազատված գերիներից 13-ը աֆղանցիներ են եւ երկուսը` սուդանցի: Այս տեղեկատվությունը, ինչպես հաղորդում է «Reuters»-ը, տարածել է ԱՄՆ-ի զինվորական հրամանատարությունը: Ներկայումս Գուանտանամոյի բազայում պահվում են մոտ 290 բանտարկյալներ, որոնք ենթադրաբար կապ ունեն «Ալ Ղաիդա» ահաբեկչական կազմակերպության կամ «Թալիբան» շարժման հետ:

---