ՀՀ ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅՈՒՆԸ 3
ՄԼՆ ԴՐԱՄՈՎ ԳՆԵԼ Է ՀԱՅ 17 ԿՈՄՊՈԶԻՏՈՐՆԵՐԻ ՍՏԵՂԾԱԳՈՐԾՈՒԹՅՈՒՆՆԵՐ
10-12-2007 17:30:00 | Հայաստան | Մշակույթ
ԵՐԵՎԱՆ, 10 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: ՀՀ մշակույթի եւ
երիտասարդության հարցերի նախարարությունը Կոմպոզիտորների եւ
երաժշտագետների միությունից 3 մլն դրամով գնել է 17 ժամանակակից
կոմպոզիտորների ստեղծագործություններ` դրանք Հայաստանում եւ նրա
սահմաններից դուրս պրոպագանդելու նպատակով: Ինչպես «ՆՈՅՅԱՆ
ՏԱՊԱՆ»-ի թղթակցին հայտնեցին ՀՀ մշակույթի նախարարության արվեստի
վարչությունից, վաճառվել են Ռոբերտ Ամիրխանյանի, Մարտին
Իսրայելյանի, Աննա Ազիզյանի, Զոհրաբ Փահրեմուզյանի, Երվանդ
Երկանյանի, Ստեփան Բաբաթորոսյանի եւ այլոց գործերը:
Ըստ նույն աղբյուրի, վաճառքի հանված ստեղծագործությունները
ընտրվել են հատուկ ստեղծված հանձնախմբի կողմից: