ՀՅՈՒՍԻՍԱՅԻՆ ԻՐԱՔՈՒՄ ԲԱՑՎԵԼ Է ՄԱԿ-Ի ԳՐԱՍԵՆՅԱԿԸ ԵՎ ՌՈՒՍԱՍՏԱՆԻ
ՀՅՈՒՊԱՏՈՍՈՒԹՅՈՒՆԸ
29-11-2007 14:05:00 | Իրաք | Միջազգային
ԷՐԲԻԼ, 29 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 27-ին
Հյուսիսային Իրաքի Էրբիլ քաղաքում հանդիսավոր արարողությամբ բացվել
են ՄԱԿ-ի գրասենյակը եւ Ռուսաստանի գլխավոր հյուպատոսությունը:
Ինչպես հաղորդում է, «Միլլիյեթ» օրաթերթը, 2003թ.
ռմբակոծությունից հետո Բաղդադի կենտրոնում գտնվող ՄԱԿ-ի գրասենյակը
դադարեցրել էր իր գործունեությունը եւ այժմ տեղակայվել է իրաքյան
Էրբիլ քաղաքում: Գրասենյակի հանդիսավոր բացման արարողությանը
մասնակցել են ՄԱԿ-ի գլխավոր քարտուղար Պան Գի Մունի անձնական
ներկայացուցիչ Ստեֆան դե Միստուրան եւ Հյուսիսային Իրաքի քրդական
կառավարության ղեկավար Նեչիրվան Բարզանին:
Նշվում է նաեւ, որ Ռուսաստանի գլխավոր հյուպատոսության բացման
արարողության ժամանակ հնչել են Ռուսաստանի, Իրաքի եւ քրդական
վարչակազմի օրհներգերը: