ԱԹԵՆՔ, 19 ՕԳՈՍՏՈՍԻ, ՆՈՅՅԱՆ ՏԱՊԱՆ: Աթենքի 28-րդ օլիմպիական
խաղերում հաջող սկսեց մրցապայքարը բռնցքամարտիկ Ալեքսան
Նալբանդյանը (48 կգ քաշային կարգ): Մեկնարկային հանդիպումը նա
անցկացրեց ֆրանսիացի Ասլում Ռենուադյեի հետ եւ վստահորեն հաղթեց:
1/8 եզրափակիչում Նալբանդյանի մրցակիցը կլինի Իրաքի
ներկայացուցիչը:
Օգոստոսի 19-ի ուշ երեկոյան մրցահարթակ կբարձրանա ծանրորդ
Գեւորգ Ալեքսանյանը, որը հանդես է գալիս 77 կգ քաշային կարգում:
Հայաստանի հավաքականի մյուս 2 անդամներից Տիգրան Մարտիրոսյանը (85
կգ) մրցասպարեզ կմտնի օգոստոսի 21-ին, իսկ Աշոտ Դանիելյանը (105
կգ-ից բարձր)` օգոստոսի 25-ին:
Հունահռոմեական ոճի ըմբիշները պայքարը կսկսեն օգոստոսի 24-ից,
իսկ դասական ոճի ըմբիշները` օգոստոսի 27-ից: