Ֆրանսուա Ռոշբլուանը շարունակելու է գործունեությունը՝ ուղղված հայ եւ ֆրանսիացի ժողովուրդների համագործակցության ամրապնդմանը
20-09-2011 18:44:05 | Հայաստան | Քաղաքական
Սեպտեմբերի 20-ին ԱԳ նախարար Էդվարդ Նալբանդյանը ընդունեց Ֆրանսիայի խորհրդարանի Ֆրանսիա-Հայաստան բարեկամության պատգամավորական խմբի պատվիրակությանը՝ Ֆրանսուա Ռուշբլուանի գլխավորությամբ:
Էդվարդ Նալբանդյանը բարձր գնահատեց ֆրանսիացի պատգամավորների անձնական ներդրումը հայ-ֆրանսիական բարեկամական հարաբերությունների զարգացման, ինչպես նաեւ Հայաստանի եւ Ֆրանսիայի խորհրդարանների համագործակցության ընդլայնման գործում:
Շնորհակալություն հայտնելով գնահատանքի համար, Ֆրանսիա-Հայաստան բարեկամության խմբի նախագահ Ֆրանսուա Ռոշբլուանը նշեց, որ մշտապես եղել է հայ ժողովրդի բարեկամը եւ շարունակելու է գործունեությունը ուղղված հայ եւ ֆրանսիացի ժողովուրդների համագործակցության ամրապնդմանն ու խորացմանը:
Կողմերը արժեւորեցին միջխորհրդարանական եւ ապակենտրոնացված ակտիվ կապերը՝ նշելով, որ դրանք լրջորեն նպաստում են միջպետական հարաբերությունների խորացմանը: