Պիտեր Սեմնեբին վերահաստատեց Հայաստանի հետ յարաբերութիւնների խորացման Եմ-ի պատրաստակամութիւնը
29-11-2010 18:39:16 | Հայաստան | Քաղաքական
Նոյեմբերի 29-ին ՀՀ ԱԺ նախագահ Յովիկ Աբրահամեանն ընդունելով Հարաւային Կովկասի հարցերով Եւրոպական միութեան յատուկ ներկայացուցիչ Պիտեր Սեմնեբիին նշեց, որ Հայաստանը մեծ կարեւորութիւն է տալիս Եւրոիութեան հետ իր յարաբերութիւններին եւ դրանց շարունակական խորացմանը: Հ.Աբրահամեանի խօսքով վերջին տարիներին զարգացող եւ նոր դինամիկա ստացող քաղաքական երկխօսութիւնը նոր որակական մակարդակի վրայ է դրուել Արեւելեան գործընկերութեան մեկնարկով:
Պ.Սեմնեբին վերահաստատեց Եւրոմիութեան աճող հետաքրքրութիւնը տարածաշրջանային խնդիրներով եւ Հայաստանի հետ յարաբերութիւնների խորացման պատրաստակամութիւնը:
Ըստ ՀՀ ԱԺ Հասարակայնութեան եւ տեղեկատուութեան միջոցների հետ կապերի վարչութեան, հանդիպման ընթացքում քննարկուեցին հայ-թուրքական յարաբերութիւնների կարգաւորմանը, տարածաշրջանային խնդիրներին առնչուող հարցեր: Կողմերը համոզմունք յայտնեցին, որ տարածաշրջանում խորհրդարանական դիւանագիտութեան զարգացումը եւ տարբեր ձեւաչափերով միջխորհրդարանական յարաբերութիւնների ակտիւացումը կը նպաստի բազմաթիւ խնդիրների կարգաւորմանը:
Անդրադարձ եղաւ նաեւ Առեւտրի համաշխարհային կազմակերպութեան առջեւ Հայաստանի ստանձնած պարտաւորութիւնների կատարմանը առնչուող եւ Եմ-ի հետ Ասոցացման համաձայնագրից բխող որոշ հարցերի: