Դպրոցներում պէտք է կանխուէն դրամահաւաքութեան նախաձեռնութիւնները
02-03-2011 15:10:09 | Հայաստան | Հասարակութիւն
ՀՀ կրթութեան եւ գիտութեան նախարարութիւնում կայացել է խորհրդակցութիւն, որի ընթացքում նախարար Արմէն Աշոտեանը բանաւոր յանձնարարական է տուել հանրակրթութեան վարչութեանը` մարտի 8-ի եւ ապրիլի 7-ի առաջիկայ տօնական միջոցառումների հետ կապուած:
Նախարարը նշել է, որ այս տարի եւս պէտք է ձեռնարկել բոլոր անհրաժեշտ միջոցները, որպէսզի դպրոցներում բացառուի ուսուցչի հեղինակութիւնն արատաւորող որեւէ դրսեւորում: Նա մասնաւորապէս ընդգծել է. "Անհրաժեշտ է, որպէսզի դպրոցի տնօրինութիւնն ակտիւ բացատրական աշխատանք ծաւալի ծնողական խորհուրդների հետ դրամահաւաքութեան նախաձեռնութիւնները կանխելու նպատակով":
Այ.Աշոտեանը յանձնարարել է ԿԳՆ հանրակրթութեան վարչութեանը յանձնարարկանի մասին տեղեկացնել ուսումնական բոլոր հաստատութիւններին: