Սփիւռքի երիտասարդութեան Հայաստան պարբերական այցելութիւններ
24-02-2011 19:43:18 | Հայաստան | Հայտարարություններ
ՅԱՐԳԵԼԻ ՀԱՅՐԵՆԱԿԻՑՆԷՐ.
ՀՀ սփիւռքի նախարարութիւնը վերսկսում է Սփիւռքի երիտասարդութեան`
Հայաստան պարբերական այցելութիւնների ,արի տունէ ծրագիրը` նորացուած եւ
բարելաւուած:
Ծրագրի նպատակն է ճանաչելի դարձնել աշխարհասփիւռ հայ երիտասարդներին
Հայաստան-հայրենիքը, նպաստել սփիւռքահայ երիտասարդութեան` հայրենիքի
զգացողութեան ձեւաւորմանը, նրանց մէջ սերմանել ազգային արժէքային համակարգ,
ազգային ինքնութեան գիտակցութիւն, ծանօթացնել սփիւռքահայ
երիտասարդութեանն իր ժողովրդի աւանդոյթներին ու սովորոյթներին, հայ
ընտանիքին, հայ մարդու հոգեկերտուածքին, աջակցել Հայաստան-սփիւռք
բարոյահոգեբանական, կրթամշակութային մերձեցմանը:
Ծրագիրը մեկնարկում է 2011թ. մայիսին` 6 ամիս տեւողութեամբ, որի ընթացքում
ամէն ամիս Սփիւռքի տարբեր հատուածներում նախապէս ձեւաւորուած 13-20
տարեկան երիտասարդների խմբերը 2 շաբաթով կհիւրընկալուէն հայաստանաբնակ
հայ ընտանիքներում:
Հիւրընկալող ընտանիքների ընտրութիւնը կատարւում է Հայաստանի
Հանրապետութեան պետական եւ տեղական ինքնակառավարման մարմինների
կողմից: Երիտասարդներն ընտանիքներում հիւրընկալւում էն անշահախնդիր եւ
անհատոյց: Սփիւռքի հայ համայնքներում երիտասարդական խմբերի ձեւաւորումն
ու Հայաստան տեղափոխումն իրականացւում է Սփիւռքի համայնքային
կառոյցների, կրթօջախների, հայկական կազմակերպութիւնների կողմից` տուեալ
երկրում ՀՀ դիւանագիտական ներկայացուցչութիւնների, հիւպատոսական
հիմնարկների աջակցութեամբ: Հայաստան այցելող երիտասարդները իրենց
ճանապարհածախսը պէտք է հոգան սեփական կամ այլ հովանաւորների
միջոցներով:
,արի տունէ ծրագրի շրջանակներում ՀՀ սփիւռքի նախարարութեան միջոցներով
նախատեսւում է ապահովել երիտասարդների դիմաւորումը եւ ճանապարհումը,
իրականացուելու է միջոցառումների լայն ծրագիր, որի ընթացքում նախատեսւում էն
Սփիւռքի եւ հայաստանցի երիտասարդ հասակակիցների ակտիւ շփումներ,
հայրենակցական կապերի ստեղծում, ծանօթացում ՀՀ պատմամշակութային
յուշարձաններին, հայոց պատմութեանը, շրջայցեր` Հայաստանի տեսարժան վայրեր,
համերգների, թատերական ներկայացումների, ցուցահանդէսների, փառատօների
դիտումներ: Կիրականացուէն նաեւ ուսուցողական ծրագրեր` հայոց լեզու,
գրականութիւն, հայ ժողովրդի եւ հայ եկեղեցու պատմութիւն, մասնակցութիւն
երգի, պարի, գեղարուեստի խմբակներին: Կը կազմակերպուէն նաեւ հանդիպումներ
Հայաստանի Հանրապետութեան պետական պաշտօնեաների եւ տարբեր ոլորտների
յայտնի անհատների հետ:
Ծրագրի մասնակիցներին Հայաստան մուտքի արտօնագրերը (ծրագրի
մասնակցութեան ժամանակահատուածում) տրամադրւում էն անվճար:
Համոզուած ենք, որ ,արի տունէ ծրագիրը մեծապէս կը նպաստի հայապահպանութեանը
եւ հայադարձութեանը, երիտասարդների միջեւ հաղորդակցութեան միասնական
ցանցի ստեղծմանը:
,արի տունէ ծրագրի շրջանակներում կազմակերպական միջոցառումների
իրականացումը կապահովէն ՀՀ սփիւռքի նախարարութեանը կից ձեւաւորուած
միջգերատեսչական համակարգող խորհուրդը եւ աշխատանքային խմբերը:
ԾԱՆՕԹՈՒԹԻՒՆ. ,արի տունե-2011թ. ծրագրին չէն կարող մասնակցել 2010
թուականին արդէն մասնակցած երիտասարդները:
Լրացուցիչ տեղեկութիւնների համար կարող էք դիմել
ՀՀ սփիւռքի նախարարութիւն
Հասցէ` ՀՀ ք.Երեւան 0010, Վ. Սարգսեան 26/1,
Հեռ.` (+37410) 58-56-01/112/
Հեռապատճէն` (+37410) 58-91-57
էլ.հասցէ:
europedep@yahoo.fr
europedep@gmail.com
europedep@mindiaspora.am