Ուկրաինայի արտգործնախարարի այցը Հայաստան նոր լիցք կհաղորդի
երկկողմ քաղաքական երկխոսությանը
11-02-2011 16:34:00 | Հայաստան | Քաղաքական
ԵՐԵՎԱՆ, 11 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ընդունելւով փետրուարի
11-ին Ուկրաինայի արտաքին գործերի նախարար Կոնստանտին
Գրիշչենկոյին, ՀՀ վարչապետ Տիգրան Սարգսեանը կարեւորել է բարձր
մակարդակի պաշտօնական փոխայցելությունների դերը երկու երկրների
յարաբերութիւնների ամրապնդման գործում: Նա ընդգծել է, որ
Ուկրաինայի արտաքին գործերի նախարարի այցը նոր լիցք կհաղորդի
երկկողմ քաղաքական երկխօսութեան ընդլայնմանը, առեւտրատնտեսական եւ
հումանիտար կապերի խորացմանը: «Անհրաժեշտ է գործադրել բոլոր
ջանքերը, որպէսզի մեր ժողովուրդների միջեւ աւանդաբար ձեւաւորուած
եղբայրական բարեկամական յարաբերութիւններն ամրապնդուեն եւ
զարգանան: Մենք դա Հայաստանի Հանրապետութեան արտաքին
քաղաքականութեան կարեւոր ուղղութիւն ենք համարում: Օգտվելով Ձեր
այցի առիթից, ցանկանում ենք կոնկրետ պայմանավորվածություններ ձեռք
բերել համագործակցութեան ուղղութիւնների եւ ձեւերի առումով,
որպէսզի վստահ լինենք, որ կայ միջոցառումների կոնկրետ ծրագիր, որը
կարող ենք համատեղ իրագործել»,- ասել է ՀՀ վարչապետը:
Ինչպէս «ՆՏ»-ին յայտնեցին ՀՀ կառավարութեան Տեղեկատուութեան եւ
հասարակայնութեան հետ կապերի վարչութիւնից, հանդիպման ընթացքում
զրուցակիցները գոհունակութեամբ են խօսել երկու երկրների միջեւ
ծաւալուած արդիւնաւէտ համագործակցութեան մասին: Արձանագրելով
առեւտրատնտեսական գործակցութեան խորացման ուղղութեամբ առկայ ողջ
ներուժի իրացման անհրաժեշտութիւնը, երկուստեք կարեւորվել է
Տնտեսական համագործակցութեան հարցերով հայ-ուկրաինական
միջկառավարական համատեղ յանձնաժողովի գործունէութիւնը եւ
մասնաւորապէս, գործարար համաժողովի անցկացումը:
Կողմերը քննարկել են մի շարք բնագաւառներում
համագործակցութեան խորացման հեռանկարները: Մասնաւորապէս, արծարծուել
են տրանսպորտի, առեւտրի, սննդարդյունաբերության, մետալուրգիայի
ոլորտներում յարաբերութիւնների զարգացմանն առնչուող հարցեր:
Անդրադարձ է արուել նաեւ Հայաստանի եւ Ուկրաինայի միջեւ
գիտատեխնիկական համագործակցութեան ընդլայնման
հնարաւորութիւններին:
Հումանիտար եւ մշակոյթային կապերի սերտացման համատեքստում
ընդգծվել է Ուկրաինայում Հայաստանի եւ Հայաստանում Ուկրաինայի
մշակոյթի օրերի անցկացման կարեւորութիւնը:
Երկու երկրների փոխհարաբերությունների ամրապնդման առումով
կարեւորվել է ՀՀ նախագահի 2011թ. ընթացքում նախատեսուելիք այցն
Ուկրաինա: Տ.Սարգսեանը վերահաստատել է Ուկրաինայի կառավարութեան
ղեկավար Նիկոլայ Ազարովին արուած Երեւան այցելելու հրաւէրը: