Ադրբեջանից Հայաստանի տարածք է ներխուժել 5-6 հոգանոց
դիվերսիոն խումբ. նրանցից ոմանք զոհուել են, ոմանց յաջողուել է փախչել
05-03-2010 18:30:00 | Հայաստան | Քաղաքական
ԵՐԵՎԱՆ, 5 ՄԱՐՏԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Մարտի 3-ի լոյս
4-ի գիշերը ՀՀ Տաւուշի մարզի Կոթի գիւղի մերձակայքում Ադրբեջանից
հայկական տարածք է ներխուժել 5-6 հոգուց բաղկացած զինուած դիվերսիոն
խումբ: Պետական սահմանն անցած խումբը զբաղուել է նաեւ աւազակային
գործողութիւններով եւ անասնագողությամբ: Այս մասին յայտնում են ՀՀ
ՊՆ տեղեկատուութեան եւ հասարակայնութեան հետ կապերի վարչութիւնից:
Ըստ նոյն աղբիւրի, հայկական կողմի ձեռնարկած յատուկ
միջոցառումների արդիւնքում խումբը վնասազերծուել է, ադրբեջանական
կողմից կան զոհեր: Մէկ դիակ գտնւում է հայկական տարածքում, ծանր
վիրաւորուած եւս մէկ դիվերսանտ մահացել է հիւանդանոց տեղափոխելու
ճանապարհին, մէկ այլ դիակ ենթադրաբար գտնւում է չէզոք գօտում:
Դիվերսիոն խմբի վիրաւոր միւս անդամներին յաջողուել է փախչել եւ
անցնել սահմանը:
Հայկական կողմից զոհեր եւ վիրաւորներ չկան: