Ադրբեջանից Հայաստանի տարածք է ներխուժել 5-6 հոգանոց
դիվերսիոն խումբ. նրանցից ոմանք զոհվել են, ոմանց հաջողվել է փախչել
05-03-2010 18:30:00 | Հայաստան | Քաղաքական
ԵՐԵՎԱՆ, 5 ՄԱՐՏԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Մարտի 3-ի լույս
4-ի գիշերը ՀՀ Տավուշի մարզի Կոթի գյուղի մերձակայքում Ադրբեջանից
հայկական տարածք է ներխուժել 5-6 հոգուց բաղկացած զինված դիվերսիոն
խումբ: Պետական սահմանն անցած խումբը զբաղվել է նաեւ ավազակային
գործողություններով եւ անասնագողությամբ: Այս մասին հայտնում են ՀՀ
ՊՆ տեղեկատվության եւ հասարակայնության հետ կապերի վարչությունից:
Ըստ նույն աղբյուրի, հայկական կողմի ձեռնարկած հատուկ
միջոցառումների արդյունքում խումբը վնասազերծվել է, ադրբեջանական
կողմից կան զոհեր: Մեկ դիակ գտնվում է հայկական տարածքում, ծանր
վիրավորված եւս մեկ դիվերսանտ մահացել է հիվանդանոց տեղափոխելու
ճանապարհին, մեկ այլ դիակ ենթադրաբար գտնվում է չեզոք գոտում:
Դիվերսիոն խմբի վիրավոր մյուս անդամներին հաջողվել է փախչել եւ
անցնել սահմանը:
Հայկական կողմից զոհեր եւ վիրավորներ չկան: