Ստորագրուել է Հայաստանի չորս ինքնահոս համակարգերի կառուցման
պայմանագիր
22-09-2009 21:00:00 | Հայաստան | Տնտեսութիւն
ԵՐԵՎԱՆ, 22 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: «Հազարամյակի
Մարտահրաւեր Հիմնադրամ» (ՀՄՀ-Հայաստան) ՊՈԱԿ-ը եւ «Արփա Սեւան»
ԲԲԸ-ն (Հայաստան) սեպտեմբերի 22-ին կնքուել է չորս ինքնահոս
համակարգերի (Այգեզարդ, Շենիկ, Մանթաշ եւ Վարդենիս) շինարարութեան
պայմանագիր: Պայմանագիրը ստորագրել են է «ՀՄՀ-Հայաստան»-ի գլխաւոր
գործադիր տնօրէն Արա Յովսէփեանը եւ «Արփա Սեւան»-ի տնօրէն Պարոյր
Յակոբեանը:
Պայմանագրի գինը կազմում է 5, 512, 827.12 ԱՄՆ դոլար, իսկ
ժամկէտը` 20 ամիս:
Կառուցոուած ինքնահոս համակարգերից կօգտուեն Արարատ, Արմաւիր,
Շիրակ եւ Գեղարքունիք մարզերի 23 համայնքների աւելի քան 60 հազար
գիւղացիներ:
Ըստ հիմնադրամի հաղորդագրութեան, չորս ինքնահոս համակարգերի
շինարարութիւնն իրենից ներկայացնում է «ՀՄՀ-Հայաստան» ծրագրի
Ոռոգման ենթակառուցվածք ենթածրագրի շրջանակներում իրականացyող
ենթակառուցվածքային կարեւորագոյն բաղադրիչներից մէկը ի թիւս 6
մայր ջրանցքների եւ 17 պոմպակայանների վերականգման, ինչպէս նաեւ
աւելի քան 70 շահառու համայնքներում ներտնտեսային ցանցի եւ
Արարատեան դաշտավայրի դրենաժային համակարգի բարելաւումների: