ՓԱՐԻԶ, 5 ՅՈՒՆԻՍԻ, ՆՈՅԵԱՆ ՏԱՊԱՆ: Ֆրանսիայի նախագահ Նիկոլա
Սարկոզիի կնոջ` նախկին թոփ-մոդել Կարլա Բրունիի «Կարլա Բրունին
անկողնում» կոչւող սեւ-սպիտակ լուսանկարը Բեռլինում Villa
Grisenbach աճուրդում վաճառուել է 13 հազար եվրոյից փոքր-ինչ աւելի
գումարով:
Լուսանկարում, որ 1994 թուականին արել է նորաձեւութեան
աշխարհում յայտնի լուսանկարիչ Պամելա Հանսոնը, մերկ Կարլա Բրունին
անկաշկանդ դիրքով պառկած է ճմռթված սավանների վրայ, թեթեւակի ծածկած
որովայնատակը ծածկոցով:
Հռչակաւոր մոդելի կիսամերկ վիճակը, ինչպէս նկատել են
մեկնաբանները, թոյլ չի տուել, որ լուսանկարը թեկուզ փոքր-ինչ
մոտենայ մերկ Բրունիի լուսանկարի արժէքին, որ Christies աճուրդում
ապրիլին վաճառուեց համարեայ 63 հազար եւրոյով: