ՀՅԴ-ն դատապարտում է Հայաստանի Արտգործնախարարութեան կողմից
Թուրքիայի հետ ապրիլի 22-ի յայտարարութեյան ստորագրումը
23-04-2009 18:40:00 | Հայաստան | Քաղաքական
ԵՐԵՎԱՆ, 23 ԱՊՐԻԼԻ, ՆՈՅԵԱՆ ՏԱՊԱՆ: Հայաստանի եւ Թուրքիայի
արտգործնախարարությունների ապրիլի 22-ի համատեղ յայտարարութեյան
կապակցութեամբ ՀՅ Դաշնակցութիւնը հանդէս է եկել յայտարարութեամբ`
ներկայացնելով այդ փաստի վերաբերեալ իր կոշտ դիրքորոշումը, եւ
յայտնելով կոալիցիային իր մասնակցութեան նպատակայարմարութեան հարցը
առաջիկայ օրերին քննարկելու մտադրութեան մասին:
ՀՅԴ-ի յայտարարութիւնում ասուած է.
«Հայ-թուրքական յարաբերութիւնների կարգաւորումը վերջին
ամիսներին եղել է Հայաստանի պետական-քաղաքական օրակարգի առանցքային
հարցը:
ՀՅ Դաշնակցութիւնը բազմիցս յայտարարել է, որ երկու երկրների
միջեւ բարիդրացիական յարաբերութիւններ կարող են հաստատուել
Թուրքիայի կողմից Հայոց ցեղասպանութեան ճանաչմամբ եւ հայ ժողովրդի
իրաւունքների վերականգնմամբ միայն: Առանց նախապայմանների
շրջափակման վերացումը եւ դիւանագիտական յարաբերութիւնների
հաստատումը այդ ճանապարհի սոսկ առաջին քայլերը կարող են լինել: Մեզ
համար բացարձակապէս անընդունելի է Թուրքիայի հետ
յարաբերութիւնների բնականոնացումը մեր պետութեան ինքնիշխան եւ
կենսունակ լինելիության եւ սերունդների` ազգային-պետական
իրաւունքների հաշուին:
Հաստատակամ այս սկզբունքներին` մենք անընդունելի եւ
դատապարտելի ենք համարում Հայաստանի Արտաքին գործերի նախարարութեան
կողմից Թուրքիայի հետ ապրիլի 22-ի յայտարարութեյան ստորագրումը:
Մենք գտնում ենք, որ հայ ժողովրդի մեծագոյն ողբերգութեան
յիշատակի օրուայ` ապրիլի 24-ի, անմիջական նախօրէին եւ Թուրքիայի
ղեկավարների վերջին շրջանում կատարած` Արցախեան հիմնախնդրի եւ
ընդհանրապես բացայայտ հակահայկական, յայտարարութիւնների ու
նախապայմաններ թելադրելու պայմաններում, այդ փաստաթղթի ի յայտ գալը
հարուածում է Հայաստանի ու հայ ժողովրդի շահերին:
Արձանագրելով, որ այս ընթացքը ենթադրում է բացասական առումով
Հայաստանի արտաքին քաղաքական ուղեգծի փոփոխութիւն, Հայ
Յեղափոխական Դաշնակցութիւնը կոալիցիային իր մասնակցութեան
նպատակայարմարութեան հարցը կքննարկի առաջիկայ օրերին»: