Արմէն Մարտիրոսեան. «Հայաստանի իշխանութիւնների եւ
եվրոկառույցների գործարքի մասին լուրերը որոշակի հիմքեր ունեն»
29-01-2009 18:55:00 | Հայաստան | Քաղաքական
ԵՐԵՎԱՆ, 29 ՅՈՒՆՎԱՐԻ, ՆՈՅԵԱՆ ՏԱՊԱՆ: Մեկնաբանելով արմատական
ընդդիմութեան այն տեսակետը, թէ ձայնի իրաւունքից չզրկվելու դիմաց
Հայաստանի իշխանութիւնները եվրոկառույցների հետ գաղտնի
բանակցութիւններում համաձայնուել են զիջումների գնալ Ղարաբաղի
հարցում, «Ժառանգութիւն» խորհրդարանական խմբակցութեան ղեկավար
Արմէն Մարտիրոսեանը յունվարի 29-ի ասուլիսում յայտարարեց, որ այդ
մտավախութիւնները որոշակի հիմքեր ունեն: Պատգամաւորի դիտարկմամբ,
յստակ է նաեւ այն, որ միջազգային ասպարէզում թուլացած Հայաստանը
ցանկացած մարտահրաւէրի առջեւ լինելու է անպաշտպան, այդ թւում եւ
ԼՂՀ խնդրի առումով:
Ա.Մարտիոսյանը յայտնեց նաեւ, որ «Ժառանգութիւն»
կուսակցութեան առաջնորդ Րաֆֆի Յովհաննիսեանը չի մասնակցելու
Եվրոխորհրդի խորհրդարանական վեհաժողովի (ԵԽԽՎ) աշխատանքներին
այնքան ժամանակ, մինչեւ ԵԽ-ն համապատաասխանի իր իսկ որդեգրած
արժէքներին: Նա նշեց, որ Հայաստանի իշխանութիւնները առ այսօր
պատշաճ կերպով չեն իրականացրել ԵԽ-ի նախորդ բանաձեւերի կէտերը,
հետեւաբար Ր.Յովհաննիսեանը` որպէս վեհաժողովում հայկական
պատուիրակութեան անդամ, չի կարող որեւէ կատարուված քայլ ներկայացնել
ԵԽ-ին:
Պատասխանելով այն հարցին, թէ ինչպե՞ս են «Ժառանգութեան»
անդամները վերաբերւում Հայ ազգային կոնգրեսի (ՀԱԿ) կողմից ԵԽ
ներկայացուցիչներ գործուղելուն, Ա.Մարտիոսյանը նշեց, որ որեւէ
պարսաւելի արարք դրանում չի տեսնում: «ՀԱԿ-ը քաղաքական ուժ է, որը
ԵԽ-ին ասելիք եւ պահանջ ունի: Որեւէ վատ բան չկայ նրանում, որ
կոնգրեսը հայաստանեան վիճակի վերաբերեալ ինֆորմացիա է հաղորդել
վեհաժողովին»,- ասաց նա: