Ըստ Կիրո Մանոյանի, Հայաստանի նկատմամբ Եվրոխորհրդի որդեգրած
կեցուածքի մէջ քաղաքական հաշուարկներ կան
19-01-2009 17:10:00 | Հայաստան | Քաղաքական
ԵՐԵՎԱՆ, 19 ՅՈՒՆՎԱՐԻ, ՆՈՅԵԱՆ ՏԱՊԱՆ: «Հայաստանի նկատմամբ
Եվրոխորհրդի որդեգրած կեցուածքի մէջ քաղաքական հաշուարկներ կան»,-
յունվարի 19-ի ասուլիսում յայտարարեց Հայ Յեղափոխական
դաշնակցութեան (ՀՅԴ) Հայ դատի եւ քաղաքական հարցերի գրասենեակի
պատասխանատու Կիրո Մանոյեանը: Նրա խօսքերով, ԵԽ-ն ուզում է ճնշում
գործադրել Հայաստանի վրայ, որպէսզի վերջինս հրաժարուի արտաքին
կոմպլեմենտար քաղաքականութիւնից: Ինչ վերաբերում է ԵԽԽՎ-ի բուն
պահանջներին, ապա դրանք, ըստ Կ.Մանոյանի, պէտք է կատարուեն ոչ միայն
ԵԽ-ին գոհացնելու համար, այլեւ այն պատճառով, որ կայ հասարակական
պահանջ: «ԵԽԽՎ-ի գնահատականը մեր պետութեանը սուբյեկտիւ է եւ
հիմնուած չէ զուտ մեր պարտաւորութիւնների կատարման որակի վրայ:
Հակառակ պարագայում սանկցիաներ կկիրառվեին ԵԽ-ի անդամ այլ երկրների
նկատմամբ եւս»,- ասաց Կ.Մանոյեանը:
Անդրադառնալով «Ակօսի» խմբագիր Հրանտ Դինքի սպանութեան
երկրորդ տարելիցին, ՀՅԴ-ի ներկայացուցիչը յիշեցրեց նրա խօսքերն այն
մասին, որ Թուրքիայի բարեփոխվելու չափանիշը կլինի Հայոց
ցեղասպանութեան փաստի ընդունումը: Կ.Մանոյեանը յայտնեց նաեւ, որ
ամերիկահայ համայնքը նամակ է յղել ԱՄՆ-ի նորընտիր նախագահ Բարակ
Օբամային, որով հորդորել է կատարել նախընտրական խոստումը եւ
ճանաչել Հայոց ցեղասպանութիւնը: Դաշնակցական գործչի կանխատեսմամբ,
Բ.Օբաման դա կանի մօտակայ ամիսների ընթացքում:
Զուգահեռներ անցկացնելով Հայաստանի եւ Թուրքիայի
ժողովրդավարարության աստիճանի միջեւ, Կ.Մանոյեանը յայտարարեց, որ
Թուրքիան աւելի ամբողջատիրական պետութիւն է: Լրագրողների այն
դիտարկմանը, թէ Հայաստանում ընտրութիւնները պարբերաբար կեղծվում
են, ինչին ի պատասխան Կ.Մանոյեանը յայտարարեց, որ փոխարենը
Թուրքիայում «ցեղասպանութիւն» բառի համար մարդկանց պատժում են: