Մարտի 21-ին կմեկնարկի «Երգեցողություն» անուանակարգում
Հայաստանի նախագահի երիտասարդական մրցանակի հաւակնորդների մրցոյթը
20-03-2009 15:50:00 | Հայաստան | Մշակոյթ
ԵՐԵՎԱՆ, 20 ՄԱՐՏԻ, ՆՈՅԵԱՆ ՏԱՊԱՆ: Մարտի 21-ին կմեկնարկի
դասական երաժշտութեան «Երգեցողություն» անուանակարգում Հայաստանի
նախագահի երիտասարդական մրցանակի հաւակնորդների մրցոյթը, որին
մասնակցում են 11 կատարողներ: Եզրափակիչ փուլը տեղի կունենայ մարտի
24-ին:
Ըստ հիմնադրամի հաղորդագրութեան, յաղթողների անունները
կյայտարարուի մայիսի 15-ին, երբ ՀՀ նախագահը կհաստատի ժիւրիի
կողմից առաջադրած թեկնածուներին: Այդ օրը նրանց կյանձնուի նաեւ
մրցանակ, որն իրենից ներկայացնում է վկայագիր, շքանշան եւ 2500
դոլարին համարժէք դրամ:
«Հայաստան» համահայկական հիմնադրամի ծրագրերի շրջանակում ՀՀ
նախագահի երիտասարդական մրցանակը շնորհւում է 2005թ.-ից` Պողոսեան
հիմնադրամի հովանաւորութեամբ: Ամենամեայ մրցանակաբաշխությանը
մասնակցում են գրականութեան, կերպարուեստի, կինոյի եւ դասական
երաժշտութեան բնագաւառներում 4 անուանակարգերի համար դիմած 18-27
տարեկան երիտասարդները: