ԴԵՌԵՒՍ ՈՐՈՇՈՒԱԾ ՉԵՆ ՀԱՅԱՍՏԱՆԻՆ ԻՐԱՆԱԿԱՆ ԳԱԶԻ ՄԱՏԱԿԱՐԱՐՄԱՆ
ԺԱՄԿԷՏՆԵՐԸ
13-10-2008 17:20:00 | Հայաստան | Տնտեսութիւն
ԵՐԵՎԱՆ, 13 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանին իրանական
գազի մատակարարման ժամկէտները դեռեւս որոշուած չեն: Հայկական եւ
իրանական կողմերը պայմանաւորուել են Հայաստանին իրանական գազի
մատակարարումն ապահովել հայկական կողմի համար անհրաժեշտութեան
դէպքում: Տուեալ պահին նման անհրաժեշտութիւն չկայ: Այս մասին
«ՆՈՅԵԱՆ ՏԱՊԱՆ»-ի թղթակցին յայտնեց Հայաստանի էներգետիկայի
նախարարութեան մամուլի քարտուղար Լուսինէ Յարութիւնեյանը:
Յիշեցնենք, որ վերջին ժամանակներս հայկական եւ իրանական
կողմերի միջեւ բանակցութիւններ էին վարւում Հայաստանին իրանական
գազի մատակարարման ժամկէտների մասին:
Կանխավ Հայաստանի էներգետիկայի նախարար Արմէն Մովսիսեանը
լրագրողներին յայտնել էր, որ գազատարի շինարարական աշխատանքները
կաւարտուեն 2009 թուականի սկզբին, այդուհանդերձ նախարարը չէր
բացառել, որ աշխատանքները կարող են աւարտուել նաեւ ընթացիկ տարուայ
վերջին: Երկու երկրների համապատասխան գերատեսչութիւնների
պայմանավորվածությունների համաձայն, Հայաստանը Իրանի մատակարարած
գազի դիմաց կվճարի էլեկտրաէներգիայով` մէկ խորանարդ մետր գազի
դիմաց 3 կվտ/ժ հաշուարկով:
Յիշեցնենք, որ Իրան-Հայաստան գազատարի առաջին հերթի
շինարարութիւնը աւարտուեց 2007 թուականի մարտին: Կառուցոուած
Մեղրի-Քաջարան տեղամասի հզորութիւնը կազմում է տարեկան 1,2 մլրդ
խ/մ գազ: Իրանական գազի Հայաստան ներմուծման ծաւալների
մեծացման նպատակով սկսուել է Իրան-Հայաստան գազատարի երկրորդ հերթի,
մասնաւորապէս Քաջարան-Արարատ տեղամասի շինարարութիւնը, 150 կմ
երկարությամբ եւ տարեկան 2,3 մլրդ խ/մ թողունակությամբ: