ՍԵՊՏԵՄԲԵՐԻՆ ՀԱՅԱՍՏԱՆՈՒՄ ՈՉ ՊԱՐԵՆԱՅԻՆ ԱՊՐԱՆՔՆԵՐԻ ԳՆԵՐԸ
0,1%-ՈՎ ՆՈՒԱԶԵԼ ԵՆ
02-10-2008 18:00:00 | Հայաստան | Տնտեսութիւն
ԵՐԵՎԱՆ, 2 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի ոչ պարենային
ապրանքների շուկայում 2008թ.-ի սեպտեմբերին օգոստոսի համեմատ
գրանցուած աննշան` 0,1%, գնանկման վրայ իր որոշակի ազդեցութիւնն է
թողել բենզինի եւ դիզելային վառելիքի, համապատասխանաբար, 1,9% եւ
1,3% գնանկումը:
ՀՀ Ազգային վիճակագրական ծառայութեան տուեալներով, 2008թ.-ի
սեպտեմբերին օգոստոսի համեմատ հանրապետութիւնում գրանցուել է
ոսկերչական, այգեգործական ապրանքների, վառելիքի 4,8-0,1% գնանկում:
Իսկ կահոյքի, տեքստիլեղենի, կենցաղային էլեկտրաապրանքների,
գրենական պիտոյքների, գեղայարդարման, անձնապիտոյ ապրանքների,
հագուստի եւ գործուածքի, շինանիւթերի, լւացող միջոցների,
կոշկեղենի, մշակոյթի ապրանքների, խոհանոցային սպասքի գներն աճել
են 0,1-2,1%-ով: Գորգեղէնի եւ դեղամիջոցների գների մակարդակը
նախորդ ամսուայ համեմատ մնացել է անփոփոխ: