ՀԱՅԱՍՏԱՆՈՒՄ ՏՆՏԵՍԱԿԱՆ ՊՐՈԲԼԵՄՆԵՐ ԿԱՌԱՋԱՆԱՆ ՈՉ ՄԻԱՅՆ ԱՐՏԱՔԻՆ
ԱԶԴԱԿՆԵՐԻ, ԱՅԼԵՎ ՀՀ ԻՇԽԱՆՈՒԹԻՒՆՆԵՐԻ ՎԱՐԱԾ ՔԱՂԱՔԱԿԱՆՈՒԹԵԱՆ
ՊԱՏՃԱՌՈՎ,- ԳՏՆՈՒՄ Է ՏՆՏԵՍԱԳԷՏ ԱՆԴՐԱՆԻԿ ԹԵՎԱՆՅԱՆԸ
ՀԱՅԱՍՏԱՆՈՒՄ ՏՆՏԵՍԱԿԱՆ ՊՐՈԲԼԵՄՆԵՐ ԿԱՌԱՋԱՆԱՆ ՈՉ ՄԻԱՅՆ ԱՐՏԱՔԻՆ
ԱԶԴԱԿՆԵՐԻ, ԱՅԼԵՎ ՀՀ ԻՇԽԱՆՈՒԹԻՒՆՆԵՐԻ ՎԱՐԱԾ ՔԱՂԱՔԱԿԱՆՈՒԹԵԱՆ
ՊԱՏՃԱՌՈՎ,- ԳՏՆՈՒՄ Է ՏՆՏԵՍԱԳԷՏ ԱՆԴՐԱՆԻԿ ԹԵՎԱՆՅԱՆԸ
01-10-2008 20:00:00 | Հայաստան | Տնտեսութիւն
ԵՐԵՎԱՆ, 1 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Միջազգային ֆինանսական
շուկայի ճգնաժամը դեռեւս չի ազդում Հայաստանի տնտեսութեան վրայ, եւ
դրա պատճառն այն է, որ Հայաստանի տնտեսութիւնը ինտեգրուած չէ
միջազգային շուկայում: Նման կարծիք հոկտեմբերի 1-ի ասուլիսում
յայտնեց տնտեսագէտ Անդրանիկ Թեւանյանը: Ըստ նրա, այդ ճգնաժամի
ազդեցութիւնը Հայաստանի տնտեսութեան վրայ կլինի անուղղակի.
կկրճատուեն մասնաւոր տրանսֆերտների չափը (քանի որ արտերկրում ապրող
հայերը բնականաբար զգալու են դրա ազդեցութիւնը): Իսկ մասնաւոր
տրանսֆերտները, Ա.Թեւանյանի գնահատմամբ, շատ մեծ նշանակութիւն
ունեն Հայաստանի համար: «Դա պետական բիւջէի ծախսայինի չափով
գումար է. 2007թ.-ին այն կազմել է մօտ 2 մլրդ դոլար: Դրանք այն
գումարներն են, որոնք մտնում են սպառողական շուկայ եւ նպաստում են
երկրի տնտեսութեան աշխուժացմանը»,- ասաց տնտեսագէտը, յաւելելով,
որ, եթէ այսպէս շարունակուի, ապա 2009թ.-ի առաջին եռամսյակից յետոյ
Հայաստանում կսկսուի տնտեսութեան ետընթացը:
Ա.Թեւանյանի համոզմամբ, Հայաստանում տնտեսական պրոբլեմներ
կառաջանան ոչ միայն արտաքին ազդակների պատճառով, այլ նաեւ ՀՀ
իշխանութիւնների վարած քաղաքականութեան: «Հարկային տեռոր է
իրականացւում բիզնեսի տարբեր շերտերի նկատմամբ: Եթէ տնտեսութեան
կառուցուածքը չի փոխւում, մրցակցային պայմանները չեն բարելաււում,
ապա հարկային մամլիչը գների աճի կբերի»,- գտնում է տնտեսագէտը: Նրա
խօսքերով, գումարներ են հաւաքում բիւջէն լցնելու նպատակով,
մինչդեռ բիւջէն չի կարող նպատակ լինել, այլ այն հետեւանք է
տնտեսական ընդհանուր իրավիճակի: «Հայաստանը դարձել է թոշակառու
պետութիւն: Գումարներ են հաւաքում, բարձրացնում են թոշակները,
այնինչ գների աճը առաջին հերթին հենց թոշակառուների վրայ է
ազդում»,- ասաց Ա.Թեւանյանը: