ԵՐԵՎԱՆ, 14 ՄԱՅԻՍԻ, ՆՈՅԵԱՆ ՏԱՊԱՆ: Հայաստանի ոչ պարենային
ապրանքների շուկայում 2008թ.-ի ապրիլին մարտի համեմատ գրանցուած
0,6% գնաճի վրայ իր որոշակի ազդեցութիւնն է թողել բենզինի եւ
դիզելային վառելիքի, համապատասխանաբար, 2,5% եւ 5,2% գնաճը:
ՀՀ Ազգային վիճակագրական ծառայութեան տուեալներով,
շինանիւթերի, գեղայարդարման ապրանքների, գրենական պիտոյքների,
անձնապիտոյ ապրանքների, տեքստիլեղենի, կահոյքի, այգեգործական
ապրանքների, կոշկեղենի, լւացող միջոցների, ոսկերչական ապրանքների
ապրանքախմբերում 2008թ.-ի ապրիլին մարտի համեմատ գրանցուել է
0,1-4,6% գնաճ: Դրան զուգընթաց, հանրապետութիւնում արձանագրուել է
վառելիքի 4,1% (կապուած հեղուկ գազի 5% գնանկման հետ), մշակոյթի
ապրանքների 2,3%, դեղամիջոցների 0,3% գնանկում: Դսկ դիտարկուող
միւս ապրանքախմբերում գների մակարդակը նախորդ ամսուայ համեմատ
մնացել է անփոփոխ: