«ՀԱՆԴՈՒՐԺՈՂԱԿԱՆՈՒԹՅՈՒՆ ԱՌԱՆՑ ՍԱՀՄԱՆՆԵՐԻ» ՄՐՑՈՅԹԻ ՅԱՂԹՈՂ Է
ԴԱՐՁԵԼ ԵՐԻՏԱՍԱՐԴ ՊՐՈԴԻՒՍԵՐ ԳՈՌ ԲԱՂԴԱՍԱՐԵԱՆԸ
19-11-2007 17:30:00 | Հայաստան | Մշակոյթ
ԵՐԵՎԱՆ, 19 ՆՈՅԵՄԲԵՐԻ, ՆՈՅԵԱՆ ՏԱՊԱՆ: «Հանդուրժողականություն
առանց սահմանների» խորագրով կարճամետրաժ ֆիլմերի մրցոյթի յաղթող է
ճանաչուել երիտասարդ կինոպրոդիւսեր Գոռ Բաղդասարեանը`
«Խաղահրապարակ» սցենարի համար:
Հանդուրժողականութեան միջազգային օրուայ առթիւ` նոյեմբերի 16-ին
ՄԱԿ-ի գրասենեակում տեղի է ունեցել «Հանդուրժողականություն առանց
սահմանների» մրցոյթի մրցանակաբաշխութեան արդիւնքների ամփոփումը
եւ մրցանակների յանձնման արարողութիւնը:
«Հանդուրժողականությունը սերտած հատկանիշ է, արժանիք, որը
իւրաքանչիւր անձից պահանջում է ազնիւ ջանքեր: Իրական
հանդուրժողականություն ձեւաւորելու համար պահանջւում է ժամանակ,
ինչպէս նաեւ` պատրաստակամութիւն»,- նշել է ՄԱԿ-ի մշտական
համակարգող եւ ՄԱԶԾ մշտական ներկայացուցիչ Կոնսուելո Վիդալը::
Մրցոյթին մասնակցելու համար ներկայացուած 12 հայտերից ժյուրին
ընտրել էր 7-ը: «Ոսկէ ծիրան» միջազգային կինոփառատօնի
գեղարուեստական տնօրէն Սուսաննա Յարութիւնեանի խօսքերով, նախնական
ընտրութիւնն անցած բոլոր եօթ նախագծերն էլ շատ հետաքրքիր էին եւ
նկարահանման արժանի: «Իսկապէս շատ դժուվար էր ընտրել լաւագոյնը, եւ
մենք կփորձենք գործադրել բոլոր հնարաւոր ջանքերը նաեւ միւս
նախագծերի իրականացման համար»,- ընդգծել է նա:
Մրցոյթը անցկացուել է «Ռեժիսորներ առանց սահմանների»
կազմակերպութեան եւ Կինոյի զարգացման «Ոսկէ ծիրան» հիմնադրամի
նախաձեռնութեամբ եւ Միաւորուած Ազգերի Զարգացման Ծրագրի (ՄԱԶԾ)
հայաստանեան գրասենեակի եւ Եվրոպայում անվտանգութեան եւ
համագործակցութեան կազմակերպութեան (ԵԱՀԿ) երեւանեան գրասենեակի
աջակցութեամբ: