ՀԱՅԿԱԿԱՆ ԲԵՌՆԱՏԱՐՆԵՐԸ ԻՐԱՆԻ ՏԱՐԱԾՔՈՎ ԿԻՐԱԿԱՆԱՑՆԵՆ ՏԱՐԱՆՑԻԿ
ԲԵՌՆԱՓՈԽԱԴՐՈՒՄՆԵՐ
23-10-2007 20:00:00 | Հայաստան | Տնտեսութիւն
ԵՐԵՎԱՆ, 23 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Օրերս իրանական կողմը
պատրաստակամութիւն է յայտնել նպաստել իր տարածքով դէպի
Բենդարաաբբաս եւ Էնզելի նաւահանգիստները, ինչպէս նաեւ Իրանի միւս
սահմանային անցակէտերը հայկական ապրանքների տարանցիկ փոխադրմանը:
Ինչպէս «ՆՈՅԵԱՆ ՏԱՊԱՆ»-ի թղթակցին յայտնեցին ՀՀ Տրանսպորտի եւ կապի
նախարարութիւնից, նման պայմանաւորուածութիւն ձեռք է բերուել օրերս
ՀՀ տրանսպորտի եւ կապի փոխնախարար Հրանտ Բեգլարեանի Իրան կատարած
այցի ժամանակ, որի ընթացքում տեղի է ունեցել Իրանի ճանապարհների եւ
հաղորդակցութեան ու ՀՀ Տրանսպորտի եւ կապի նախարարութիւնների
միջեւ տրանսպորտի բնագաւառում համագործակցութեան համատեղ
յանձնաժողովի նիստ:
Ըստ նոյն աղբիւրի, քանի որ երկու երկրները հանդիսանում են
«ՏԻՐ» կոնվենցիայի եւ «Հիւսիս-Հարաւ» միջանցքի համաձայնագրի
անդամներ, ուստի այդ համաձայնագրի շրջանակներում ձեւակերպուած
տարանցիկ ապրանքների նկատմամբ կկիրառուեն յատուկ դրոյթներ` որպէս
բեռնափոխադրման առաջնահերթ ապրանքներ:
ԴԱՍ. ՀԱՅԵՐԵՆ 
Հայերեն
Русский
English
French