ՋՈՐՋ ԲՈՒՇԸ ԱՄՆ-Ի ԿՈՆԳՐԵՍԻՆ ԿՈՉ Է ԱՐԵԼ ՄԻՋՈՑՆԵՐ ՅԱՏԿԱՑՆԵԼ
ԻՐԱՔՈՒՄ ԵՎ ԱՖՂԱՆՍՏԱՆՈՒՄ ՌԱԶՄԱԿԱՆ ԳՈՐԾՈՂՈՒԹԻՒՆՆԵՐԻ ՀԱՄԱՐ
23-10-2007 14:35:00 | ԱՄՆ | Միջազգային
ՎԱՇԻՆԳՏՈՆ, 23 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Իրաքում եւ
Աֆղանստանում ռազմական գործողութիւնների համար առանց ուշացման
հաւելեալ միջոցներ յատկացնելու կոչով ԱՄՆ-ի Կոնգրեսին է դիմել
նախագահ Ջորջ Բուշը: Նա այդ նպատակով նոր ֆինանսական տարում
պահանջում է եւս 42,3 միլիարդ դոլար:
Նոր ֆինանսական տարին ԱՄՆ-ում սկսուել է հոկտեմբերի 1-ին:
Վարչակազմի ղեկավարը օրենսդիրներից խնդրում է հաւանութիւն տալ
նշուած գումարի հատկացմանը որպէս յաւելում արդէն պահանջված 141,7
միլիարդ դոլարին: Սրա մէջ չի մտնում Սպիտակ տան պահանջած 5,3
միլիարդ դոլարը ուժեղացուած զրահով աւտոմեքենաներ արտադրելու եւ
Իրաք ուղարկելու համար, որոնք կոչուած են պաշտպանելու ամերիկացի
զինվորներին ինքնաշէն պայթուցիկ սարքերից: