ԹՈՒՐՔԻԱՅՈՒՄ ԱՆՑԿԱՑՈՒԱԾ ՄԻՋԱԶԳԱՅԻՆ ՍԻՄՊՈԶԻՈՒՄԻՆ ՄԱՍՆԱԿՑԵԼ Է
ՆԱԵՒ ՀԱՅԱՍՏԱՆՑԻ ՔԱՆԴԱԿԱԳՈՐԾԸ
22-10-2007 15:10:00 | Հայաստան | Մշակոյթ
ԵՐԵՎԱՆ, 22 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 17-ից
հոկտեմբերի 20-ը Անկարայում անցկացուած քանդակագործների երրորդ
միջազգային սիմպոզիումին մասնակցել է նաեւ հայաստանցի քանդակագործ
Հայկ Թոքմաջյանը: Սիմպոզիումին մասնակցելու յայտ ներկայացրած 130
քանդակագործներից ընտրուել են 12-ը` 7 երկրներից: Ինչպէս հոկտեմբերի
22-ի ասուլիսում նշեց Հ.Թոքմանջյանը, Հաճետեպե համալսարանի կողմից
կազմակերպած սիմպոզիումին մասնակցելու համար քանդակագործները
նախօրոք ուղարկել են իրենց աշխատանքների էսքիզները: Այնուհետեւ
նրանք մէկ ամսուայ ընթացքում ընտրուած աշխատանքները պատրաստել են
տեղում: Հայ քանդակագործը թուրք հասարակությանն է ներկայացրել իր
«Սպիտակ ձի» ստեղծագործութիւնը:
Ըստ Հ.Թոքմաջյանի, ինքն այնտեղ արժանացել է ջերմ
ընդունելութեան: «Քաղաքական հարցեր ընդհանրապես չեն շոշափուել.
խոսում էինք միայն արուեստից»,- նշեց նա: Հ.Թոքմաջյանի խօսքերով,
արուեստը սահմաններ չի ճանաչում, ուստի արուեստագէտները անկախ ամէն
ինչից պէտք է համագործակցեն: