ՀԱՅ ՊԱՏԳԱՄԱՒՈՐԸ ՀՐԱԶԵՆՈՎ ԾԱՆՐ ՎԻՐԱՒՈՐՈՒԵԼ Է ՄՈՍԿՈՒԱՅԻ
«ՄԵՏՐՈՊՈԼ» ԽԱՂԱՏԱՆԸ
26-09-2007 16:25:00 | Հայաստան | Հասարակութիւն
ԵՐԵՎԱՆ, 26 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 25-ի լոյս
26-ի գիշերը Մոսկուայի կենտրոնում գտնուող «Մետրոպոլ» խաղատանը
հրազէնից ծանր վիրաւորուել է ՀՀ ԱԺ պատգամաւոր, գործարար Տիգրան
Արզաքանցյանը: Ըստ ռուսաստանեան լրատվամիջոցների, 41-ամեայ
գործարարը տեղափոխուել է Սկլիֆասովսկու անուան շտապ օգնութեան
ինստիտուտ, որտեղ ենթարկուել է վիրահատութեան:
Ականատեսների վկայութեամբ, Մոսկուայի ժամանակով առաւօտեան ժամը
4-ի սահմաններում վէճ է բռնկուել խաղատան կովկասեան արտաքին ունեցող
3 այցելուների միջեւ, ինչի արդիւնքում նրանցից մէկը 3 անգամ
կրակել է միւսի վրայ: Կասկածեալը հեռացել է դէպքի վայրից եւ առայժմ
չի ձերբակալուել: Դէպքի առնչութեամբ յարուցուած է քրէական գործ:
Հաղորդւում է նաեւ, որ Տ.Արզաքանցյանը, որը Մոսկուայում էր
գտնւում անձնական գործերով, դէպքի նախորդ օրը մասնակցել է Մասկվայի
բուհերում սովորող հայ ուսանողների հետ ՀՀ կառավարական
պատուիրակութեան հանդիպմանը: