2007 Թ.-Ի ՅՈՒԼԻՍԻՆ 2006 Թ.-Ի ԴԵԿՏԵՄԲԵՐԻ ՀԱՄԵՄԱՏ ՀՀ
ՍՊԱՌՈՂԱԿԱՆ ՇՈՒԿԱՅՈՒՄ ԳՐԱՆՑՈՒԵԼ Է 0,6% ԳՆԱՃ
02-08-2007 22:00:00 | Հայաստան | Տնտեսութիւն
ԵՐԵՎԱՆ, 2 ՕԳՈՍՏՈՍԻ, ՆՈՅԵԱՆ ՏԱՊԱՆ: 2007թ.-ի յուլիսին
2006թ.-ի դեկտեմբերի համեմատ Հայաստանում սպառողական գների ինդեքսը
կազմել է 100,6%, այդ թւում, պարենային ապրանքներինը (ներառեալ
ոգելից խմիչք եւ ծխախոտ) 100,3%, ոչ պարենային ապրանքներինը`
100,6%, իսկ ծառայութիւնների սակագներինը` 101,3%:
ՀՀ Ազգային վիճակագրական ծառայութեան տուեալներով, 2007թ.-ի
յուլիսին յունիսի համեմատ ՀՀ սպառողական շուկայում գրանցուել է 3,2%
գնանկում, ինչը մեծապէս պայմանաւորուել է պարենային որոշ
ապրանքատեսակների գների սեզոնային փոփոխություններով: Պարենային
ապրանքների (ներառեալ ոգելից խմիչք եւ ծխախոտ) գները նշուած
ժամանակահատուածում նուազել են 5,6%-ով, ոչ պարենային ապրանքներինը`
0,2%-ով, իսկ ծառայութիւնների ոլորտում արձանագրուել է սակագների
անփոփոխ ընդհանուր մակարդակ:
2007թ.-ի յունուար-յուլիսին սպառողական գների միջին ամսական
հավելաճը կազմել է 0,1%, ինչը ցածր է նախորդ տարուայ նոյն
ժամանակահատուածի համապատասխան ցուցանիշից 0,4 տոկոսային կէտով
(0,5%):
2007թ.-ի յուլիսին նախորդ տարուայ նոյն ամսուայ համեմատ
սպառողական գների ինդեքսը կազմել է 102,2%, այդ թւում պարենային
ապրանքներինը (ներառեալ ոգելից խմիչք եւ ծխախոտ)` 102,9%, ոչ
պարենային ապրանքներինը` 98,9%, ծառայութիւնների սակագներինը`
102,6%, իսկ յունուար-յուլիսին 2006թ.-ի նոյն ամիսների համեմատ,
համապատասխանաբար, 104,2%, 105,3%, 99,3% եւ 104,9%: