ՄԻՆՉԵՒ 2011 ԹՈՒՎԱԿԱՆԸ ՀԱՅԱՍՏԱՆԻ ԳՅՈՒՂՏՆՏԵՍՈՒԹՅՈՒՆՆԵՐԸ
ԱՊԱՀՈՎՈՒԱԾ ԿԼԻՆԵՆ ԱՌԱՋԻՆ ՎԵՐԱՐՏԱԴՐՈՒԹԵԱՆ ՑՈՐԵՆԻ ՍԵՐՄԱՑՈՒՅՈՎ
31-07-2007 20:40:00 | Հայաստան | Տնտեսութիւն
ԵՐԵՎԱՆ, 31 ՅՈՒԼԻՍԻ, ՆՈՅԵԱՆ ՏԱՊԱՆ: ՀՀ Գիւղատնտեսութեան
նախարարութեան եւ «Արմէնիան թեքնոլոջի գրուպ» (ATG) հիմնադրամի
նախաձեռնութեամբ 2007-2011թթ.-ին կիրականացուի Հայաստանի
սերմնաբուծութեան զարգացման ծրագիրը, որի նպատակը հանրապետութեան
բոլոր գիւղացիական տնտեսութիւնների առաջին վերարատադրության
ցորենի սերմացուի պահանջարկը բավարարելն է: Այս մասին «ՆՈՅԵԱՆ
ՏԱՊԱՆ»-ի թղթակցի հետ զրոյցում յայտնեց ՀՀ Գիւղնախարարութեան
Երկրագործության վարչութեան պետ Գագիկ Մանուչարեանը:
Ըստ նրա, ծրագրի շրջանականերում առաջիկայ 2 տարիներին
արտերկրից Հայաստան կներկրուի բարձր վերարտադրութեան «Սուպեր
էլիտար» տեսակի ցորենի սերմացու, որի վերարտադրութիւնը
կկազմակերպուի Շիրակի մարզի «Գիւմրիի սելեկցիոն կայան»-ի, Սիւնիքի
մարզի «Սերմարտադրողների միութեան», Արմաւիրի մարզի
«Երկրագործության եւ բոյսերի պաշտպանութեան գիտական կենտրոն»-ի եւ
ATG-ի ցանքատարածություններում:
Նշուեց, որ «Սուպեր էլիտար» եւ «Էլիտար» տեսակներից ստացուած
առաջին կարգի սերմացուն անջրդի պայմաններում կարող է ապահովել մէկ
հեկտարից 9-10 տոննա բերքատուութիւն` ներկայումս Հայաստանում
շրջանառուող 15-20-րդ վերարտադրութեան ցորենի 4-5 տոննայի դիմաց: