ԲԱՂԴԱԴ, 28 ՅՈՒՆԻՍԻ, ՆՈՅԵԱՆ ՏԱՊԱՆ: Իրաքի ոստիկանութեան
աշխատակիցները յունիսի 28-ին Բաղդադից ոչ հեռու յայտնաբերել են 20
գլխատուած մարդկանց մարմիններ:
Դիակները յայտնաբերուել են Տիգրիս գետի ափին` Բաղդադի հարաւում
գտնուող Սալման Պակ շրջանում:
Ըստ նախնական տուեալների, բոլոր գլխատվածները արական սեռի
ներկայացուցիչներ են: Ոստիկանութիւնը ենթադրում է, որ այդ
զանգվածային սպանութեան հետ կարող է առնչութիւն ունենալ «Ալ
Ղաիդա» ահաբեկչական կազմակերպութիւնը:
Նշենք նաեւ, որ այսօր առաւօտեան Իրաքի մայրաքաղաքում տեղի
ունեցած պայթիւնի հետեւանքով զոհերի թիւը հասել է 25-ի: