«ԱՐՏՈՒՅՏՆԵՐԻ ԱԳԱՐԱԿԸ» ՖԻԼՄԻ ՀԵՂԻՆԱԿՆԵՐ ՏԱՎԻԱՆԻ ԵՂԲԱՅՐՆԵՐՆ
ԱՐԺԱՆԱՑԵԼ ԵՆ Ս.ՓԱՐԱՋԱՆՈՎԻ ԱՆՈՒԱՆ ՄՐՑԱՆԱԿԻ
20-06-2007 17:51:00 | Հայաստան | Մշակոյթ
ԵՐԵՎԱՆ, 20 ՅՈՒՆԻՍԻ, ՆՈՅԵԱՆ ՏԱՊԱՆ: «Ոսկէ ծիրան» միջազգային
կինոփառատօնի շրջանակներում իտալացի հանրայայտ ռեժիսորներ Պաոլո եւ
Վիտտորիո Տավիանիները համաշխարհային կինոյում ունեցած մեծ վաստակի
համար պագեւատրվել են Ս.Փարաջանովի անուան մրցանակով: Փառատոնի
նախագահ Յարութիւն Խաչատրեանը մրցանակը յանձնելով Պ.Տավիանիին,
խորը երախատագիտություն է յայտնել ռեժիսորներին իրենց ֆիլմում
Հայոց ցեղասպանութիւնը ներկայացնելու համար: Նշենք, որ Տավիանի
եղբայրներն արժանացել են նաեւ ՀՀ նախագահի մրցանակին:
Իր գոհունակութիւնը յայտնելով Ս.Փարաջանովի անուան մրցանակի
արժանանալու համար, Պ.Տավիանին ասել է. «Ս.Փարաջանովը այն բացառիկ
ռեժիսորներից էր, ով իր արուեստով նորութիւն բերեց
կինեմատոգրաֆիայի բնագաւառ: Եւրոպացի արուեստագէտների շարքում ես
դեռ չեմ հանդիպել մի ռեժիսորի, ով Փարաջանովի նման ուժ եւ
երեւակայություն ունենար: Հայազգի ռեժիսորի նորարարությունները
կինեմատոգրաֆիայի հաղթանակներից ու ձեռքբերումներից են համարւում»:
Իտալացի ռեժիսորը նշել է, որ Հայոց ցեղասպանութեան մասին ֆիլմ
նկարելու գաղափարը ծնուել է իտալահայ Անտոնիա Արսլանի «Արտույտների
ագարակը» գիրքը կարդալուց յետոյ: «Փոքր տարիքում մենք տեսել ենք
ֆաշիզմ, բազմաթիւ դժուարութիւններ, արհավիրքներ, ինչը եւս որոշ
չափով ազդել է նման ֆիլմ նկարահանելու որոշման վրայ»,- ասել է նա:
Ռեժիսորի խօսքերով, ֆիլմի ստեղծման համար հիմք է ծառայել նաեւ
իրենց տանը սպասուհի աշխատող Մելանյա անունով հայ կնոջ կեանքը: Նա
պատմել է իր կեանքից որոշ դրուագներ` փաստելով թուրքական
իշխանութիւնների կողմից իրագործուած ոճրագործութիւնները:
«Երբ երիտասարդ էինք, համարեայ անտեղեակ էինք Հայոց
ցեղասպանութեան մասին, քանի որ ոչ միայն մենք, այլեւ իտալական
հասարակութիւնը չգիտեր այդ մասին: Այժմ հակառակն է, աւելի շատ են
անդրադառնում այդ թեմային, եւ ցեղասպանութեան թեմայով բազմաթիւ
յօդուածներ եւ գրքեր են տպագրվում Իտալիայում»,- նշել է Պ.Տավիանին: