ՀԱՅԱՍՏԱՆԻ ՊԱՏԱՆԻ ԹԻԱՎԱՐՆԵՐԸ ՄԱՍՆԱԿՑԵՑԻՆ ՓՈԹԻՈՒՄ ԱՆՑԿԱՑՈՒԱԾ
ՕԼԻՄՊԻԱԿԱՆ ՉԵՄՊԻՈՆ ՎԻԿՏՈՐ ԿՐԱՏԱՍՅՈՒԿԻ ՅՈՒՇԱՄՐՑԱՇԱՐԻՆ
29-05-2007 19:00:00 | Հայաստան | Սպորտ
ԵՐԵՎԱՆ, 29 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 25-28-ը Վրաստանի
Փոթի քաղաքում անցկացուեց օլիմպիական չեմպիոն Վիկտոր Կրատասյուկի
յիշատակը հավերժացնող միջազգային պատանեկան աւանդական մրցաշարը`
բայդարկա եւ կանոյե մարզաձեւերից: Հայաստանը ներկայացրել է 10
մարզիկ:
Կրտսեր տարիքի բայդարկավարների մրցումներում Մովսէս
Գրիգորեանը 1-ինն էր եւ մէկ տեղանոց նավակով, եւ Արթուր
Յովհաննիսեանի ընկերակցությամբ երկտեղանոց մակույկով: Կանոյե
մարզաձեւում 1-ին տեղը գրաւեց Վահան Աղաջանեանը: Նրանք բոլորը
մրցեցին 200 մ տարածութիւնում:
Աւագ պատանիների մրցումներում (500 մ) անգերազանցելի էին
բայդարկավարներ Սուրէն Յարութիւնեյանը եւ Դոնարա Այվազեանը:
Վերջինը 1-ին տեղը գրաւեց նաեւ Նարինէ Կարապետեանի ընկերակցությամբ
երկտեղանոց նավակով:
Մայիսի 30-ին Հայաստանի բայդարկա թիավարության հաւաքականի
անդամներ Արամ Անդրէասեանը եւ Գեւորգ Ասմարեանը կմեկնեն Մոսկուա
մասնակցելու ՌԴ բաց առաջնութեանը: