ՀԱՅ ՀԱՍԱՐԱԿՈՒԹԻՒՆԸ ԲԱԶՄԱԶԱՒԱԿ ԸՆՏԱՆԻՔԻ ՄՈԴԵԼԻՑ ԱՆՑՈՒՄ Է
ԿԱՏԱՐԵԼ ՆՈՅՆԻՍԿ ՊԱՐԶ ՎԵՐԱՐՏԱԴՐՈՒԹՅՈՒՆ ՉԱՊԱՀՈՎՈՂ ՄՈԴԵԼԻ,-
ՅԱՅՏԱՐԱՐՈՒՄ Է ԱՂՎԱՆ ՎԱՐԴԱՆԵԱՆԸ
28-02-2007 17:04:00 | Հայաստան | Հասարակութիւն
ԵՐԵՎԱՆ, 28 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Թէեւ վերջին տարիներին
Հայաստանում արձանագրուել են դրական փոքր տեղաշարժեր,
այնուամենայնիւ առաջացել են սոցիալ-ժողովրդագրական բնոյթի ծանր
մարտահրավերներ, մասնաւորապէս, բնակչութեան ծերացում, միգրացիայի
բացասական հաշուէկշիռ, աւանդական ընտանիքների քայքայում, ազգային
արժէքների խաթարում: Այս մասին «ՀՀ պետական ժողովրդագրական
քաղաքականութեան հայեցակարգ»-ի նախագծի փետրուարի 28-ի քննարկման
ժամանակ յայտնեց ՀՀ աշխատանքի եւ սոցիալական հարցերի նախարար Աղվան
Վարդանեանը:
Ըստ նրա, հայ հասարակութիւնը, սերնդափոխության մէկ ցիկլից էլ
պակաս ժամանակահատուածում, բազմազաւակ ընտանիքի մոդելից անցում է
կատարել նոյնիսկ պարզ վերարտադրություն չապահովող` 1-2 երեխայով,
ընտանիքի մոդելի: Ա.Վարդանեանը նշեց, որ երկրի ժողովրդագրական
իրավիճակի ինքնակարգավորումը իրատեսական չէ. դրան հասնելու միակ
ուղին ակտիւ, նպատակային ու հետեւողական պետական միջամտութիւնն է:
Նախարարը յայտնեց, որ այդ նպատակով նախարարութիւնում մշակtyել է
«ՀՀ պետական ժողովրդագրական հայեցակարգ», որը առաջիկայում
կներկայացուի ՀՀ կառավարութեան հաստատմանը:
Ա.Վարդանեանի խօսքերով, հայեցակարգում ամրագրուած մօտեցումների
ներդրման համար առաջարկւում է կիրառել ռազմավարութիւն, ըստ որի
առաջնային պէտք է համարուի ընտանիքի վերարտադրութեան ապահովումը,
ընտանիքի ամրացումը, ազգային արժէքների համակարգի վերականգնումը:
ՄԱԿ-ի Բնակչութեան հիմնադրամի ներկայացուցիչ Գարիկ
Հայրապետեանի դիտարկմամբ, ժողովրդագրական խնդիրները, տարբեր
արտահայտումներով, այսօր առկայ են շատ երկրներում: Որոշ երկրներում
դրանք դրսեւորւում են ազգաբնակչութեան գերաճի եւ դրանից բխող
տարածքային եւ կենսաապահովման խնդիրների տեսքով, իսկ միւսներում`
հակառակը: Ըստ նրա, Հայաստան պատկանում է երկրորդ խմբի երկրների
թուին: