ԵՐԵՎԱՆ, 9 ՅՈՒՆՎԱՐԻ, ՆՈՅԵԱՆ ՏԱՊԱՆ: 2006թ.-ի յունուար-նոյեմբերին հանրապետութիւնում ընդհանուր օգտագործման տրանսպորտով բեռնափոխադրումների ծաւալը նախորդ տարուայ նոյն ժամանակահատուածի համեմատ 18,6%-ով աճել է եւ կազմել 8760,5 հազար տոննա: Ըստ ՀՀ Ազգային վիճակագրութեան ծառայութեան տուեալների, աւտոտրանսպորտով բեռնափոխադրումների ծաւալը աճել է 32,9%-ով եւ կազմել 5268,7 հազար տոննա: Երկաթուղային տրանսպորտով բեռնափոխադրումները աճել են 2,5%-ով եւ կազմել 2443,5 հազար տոննա: Օդային տրանսպորտով բեռնափոխադրումների ծաւալը աճել է 1,2%-ով եւ կազմել 8,3 հազար տոննա: Խողովակաշարային տրանսպորտով նշուած ամիսներին Հայաստան ներկրուած բնական գազի ծաւալը նախորդ տարուայ նոյն ժամանակահատուածի համեմատ 0,7%-ով աճել է եւ կազմել 1040 հազար տոննա:

---