ԱՒԱՐՏՈՒԵԼ Է ՄԱՐՏԱԿԵՐՏԻ 30 ԿՄ ԵՐԿԱՐՈՒԹՅԱՄԲ ՋՐԱՏԱՐԻ ԿԱՌՈՒՑՈՒՄԸ
27-12-2007 17:10:00 | Հայաստան | Հասարակութիւն
ՍՏԵՓԱՆԱԿԵՐՏ, 27 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Աւարտուել է
«Հայաստան» համահայկական հիմնադրամի «Արցախի վերածնունդ» ծրագրի
շրջանակներում իրականացուած Մարտակերտի 30 կմ երկարությամբ ջրատարի
կառուցումը: Ինչպէս «ՆՈՅԵԱՆ ՏԱՊԱՆ»-ին յայտնեցին հիմնադրամի
Հասարակայնութեան հետ կապերի բաժնից, ջրատարը Մարտակերտի շրջանի եւ
մօտակայ գիւղերի աւելի քան 7000 բնակիչներին կապահովի խմելու ջրով:
Ըստ նախնական հաշուարկների, ջրի քանակն աւելի քան բաւարար է եւ
կարող է օգտագործուել նաեւ ոռոգման նպատակով: Մարտակերտի ջրատարի
կառուցման 3,3 մլն ԱՄՆ դոլար արժողութեամբ ծրագիրն իրականացուել է
«Հեռուստամարաթոն 2005»-ի ընթացքում հանգանակուած միջոցներով:
Մայր ջրատարից սկիզբ են առնում Մեծ Շեն (2,3 կմ), Մաղաւուզ եւ
Վարնկաթաղ գիւղերը (5,5 կմ ) սնուցող ջրագծերը: Ջրատարը կառուցուել
է պողպատե խողովակներով` ուժեղացուած հակակոռոզիոն մեկուսացմամբ:
Մարտակերտի ջրատարից բացի, «Հայաստան» հիմնադրամը վերջին
տարիներին Ղարաբաղում իրականացրել է ջրամատակարարման մի շարք այլ
ծրագրեր եւս: Մասնաւորապէս, կառուցուել են Մարտակերտի շրջանի
Վաղուհաս, Շահումեանի շրջանի Նոր Գետաշէն եւ Նոր Ղարաչինար
գիւղերի ջրագծերը: նիերկայումս ընթացքի մէջ է Մարտակերտի շրջանի
Վանք գիւղի, Հադրութ քաղաքի ջրատարը եւ Հադրութի շրջանի Մեծ
Թաղլար, Ազոխ, Դրախտիկ գիւղերի ջրագծերի կառուցումը: