«ՀԱՅԱՍՏԱՆԻ ԹԱՏԵՐԱԿԱՆ ԱՇԽԱՐՀԸ ՄԻ ԳՈՐՇ ՏԱՐԱԾՔ Է»,- ԱՍՈՒՄ Է
ԱԶԱՏ ԳԱՍՊԱՐԵԱՆԸ
17-12-2007 17:30:00 | Հայաստան | Մշակոյթ
ԵՐԵՎԱՆ, 17 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանում թատրոնը
կանգնած է կործանման եզրին. բարձրարուեստ ներկայացումները մեր
օրերում պահանջարկ չեն վայելում: Դեկտեմբերի 17-ի ասուլիսում
այսպէս բնութագրեցին արդի հայ թատերարվեստի վիճակը դերասաններ Ազատ
Գասպարեանը եւ Լալա Մնացականեանը:
Ա.Գասպարեանի խօսքերով, «Հայաստանի թատերական աշխարհը մի գորշ
տարածք է»: Ըստ նրա, թատրոնը անուշադրութեան է մատնուել պետական
այրերի կողմից, որոնք թատրոն չեն յաճախում: Ա.Գասպարեանի կարծիքով,
ոլորտում առկայ շատ հարցեր կկանոնակարգվեին թատրոնի մասին օրէնքով,
որը, սակայն, այս տարի էլ խորհրդարանը չընդունեց:
Ըստ Լ.Մնացականեանի, ներկայիս հանդիսատեսը բացարձակապէս
թատրոնով չի հետաքրքրւում եւ իր ամբողջ ուշադրութիւնը սեւեռել է
շոուների վրայ: Բնական համարելով, որ Հայաստանում, ինչպէս եւ ամբողջ
աշխարհում, շոու-բիզնեսը զարգանում է, դերասանուհին միաժամանակ
նշեց, որ ի տարբերութիւն այլ երկրների, Հայաստանում այդ
գործընթացին զուգահեռ տուժում է թատրոնը:
Լ.Մնացականեանը նշեց, թէեւ ինքն անձամբ բազմիցս մերժել է
սերիալներում նկարահանվելու առաջարկները, սակայն մեր օրերում
դերասաններնից շատերի համար դժուվար է դիմակայել գայթակղութեանը եւ
հրաժարուել ֆինանսապէս ձեռնտու առաջարկներից: