ԵՐԵՎԱՆ, 12 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դեկտեմբերի 11-ին Նիոնում` ՈՒԵՖԱ-ի շտաբ-բնակարանում, տեղի ունեցան 17 եւ 19 տարեկան աղջիկների ֆուտբոլի Եւրոպայի հերթական առաջնութիւնների վիճակահանությունները: Հայաստանի 19 տարեկան աղջիկների հաւաքականը ընդգրկուել է 2-րդ խմբում, որտեղ կմրցի Լեհաստանի, Աուստրիայի եւ Թուրքիայի թիմերի հետ: Մրցաշարը կանցկացուի 2008թ.-ի սեպտեմբերի 25-30-ին: Մինչեւ 17 տարեկանների Հայաստանի հաւաքականը ընդգրկուել է 7-րդ խմբում, որտեղ նրա մրցակիցներն են Ռուսաստանի, Շվեդիայի եւ Սլովենիայի ընտրանիները: Մրցաշարը կանցկացուի Սլովենիայում 2008թ.-ի հոկտեմբերի 15-20-ին:

---