«ՀՈՅՍ ԵՎ ՕԳՆՈՒԹԻՒՆ» ԵՎ «ԺՈՂՈՎՐԴԱՎԱՐՈՒԹԻՒՆՆ ԱՅՍՕՐ» ՀԿ-ԵՐԸ
ԱՋԱԿՑՈՒԹԻՒՆ ԵՆ ՏՐԱՄԱԴՐԵԼ ԹՐԱՖԻԿԻՆԳԻ 87 ԶՈՀԵՐԻ
06-12-2007 19:10:00 | Հայաստան | Հասարակութիւն
ԵՐԵՎԱՆ, 6 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: ՄԱԿ-ի հայաստանեան
գրասենեակում դեկտեմբերի 6-ին կայացաւ «Հայաստանում թրաֆիկինգի
զոհերին ցուցաբերված աջակցութիւնը. հոկտեմբեր 2003 - մարտ 2007»
վիճակագրական գրքոյկի շնորհանդէսը: Վերջինում ներկայացուած են
Հայաստանում թրաֆիկինգից տուժածների հարցերով զբաղուող եւ նրանց
օգնութիւն տրամադրող «Հոյս եւ օգնութիւն» եւ
«Ժողովրդավարութիւնն այսօր» հասարակական կազմակերպութիւնների
ունեցած տուեալները: Գրքոյկի հրատարակման գործում նշուած
կազմակերպություններին աջակցութիւն է ցուցաբերել ՄԱԿ-ի Զարգացման
ծրագիրը (ՄԱԶԾ):
Ըստ «Հոյս եւ օգնութիւն» ՀԿ-ի նախագահ Ենոք Շատուորեանի,
նշուած ժամանակահատուածում բժշկական, հոգեբանական եւ իրաւաբանական
օգնութիւն է տրամադրվել թրաֆիկինգի 87 զոհերի, որոնց
մեծամասնութիւնը ազգութեամբ հայ են: Տուժածների 85%-ը թրաֆիկինգի
զոհ է դարձել Արաբական Միացեալ Էմիրություններում, Թուրքիայում եւ
Ռուսաստանում: Նրանցից 80%-ը ենթարկուել են սեռական, 20%-ը`
աշխատանքային շահագործման: Նշուեց նաեւ, որ տուժածների
մեծամասնութիւնը 18-24 տարեկան են, իսկ 25%-ը` 25-ից 30 տարեկան: