Ներկայացված ստանդարտների համապատասխանության, գործընթացների պարզության, որակի և մասնաճյուղային լայն ցանցի միջոցով հասանելիություն ապահովելու շնորհիվ Հայաստանում ԱՄՆ դեսպանատան մուտքի արտոնագրերի վճարներն ընդունելու մրցույթի հաղթող է ճանաչվել Արդշինինվեստբանկը:
2012թ. դեկտեմբերի 17-ից ԱՄՆ մուտքի արտոնագիր (visa) ստանալու համար դիմում ներկայացնող քաղաքացիները համապատասխան վճարները կատարելու են միայն Արդշինինվեստբանկում:
Վճարումները ընդունվում են ՀՀ դրամով, աշխատանքային օրերին՝ ժամը 9:15-ից 16:00-ը, Բանկի բոլոր մասնաճյուղերում:
Մասնաճյուղերի հասցեներին ծանոթացեք հետևյալ հղումով՝ http://www.ashib.am/mission.php?lang_id=3&inc=7
Արդշինինվեստբանկն ունի 49 մասնաճյուղ ՀՀ-ում, 6 մասնաճյուղ` ԼՂՀ-ում և ներկայացուցչություն Փարիզում: