ԱԱԽ քարտուղար Արթուր Բաղդասարյանը Մարտի 17-ին կմեկնի
Ռուսաստանի Դաշնություն
16-03-2010 15:06:00 | Հայաստան | Քաղաքական
ԵՐԵՎԱՆ, 16 ՄԱՐՏԻ, ՆՈՅՅԱՆ ՏԱՊԱՆ: Ռուսաստանի Դաշնության
Անվտանգության խորհրդի քարտուղար Նկոլայ Պատրուշեւի հրավերով մարտի
17-ին Մոսկվա կմեկնի Հայաստանի Ազգային անվտանգության խորհրդի
քարտուղար Արթուր Բաղդասարյանի գլխավորած պատվիրակությունը:
Հայաստանի եւ Ռուսաստանի անվտանգության խորհրդի քարտուղարները
կքննարկեն անվտանգության ոլորտում երկկողմ համագործակցության
հեռանկարները: Նախատեսվում է Հայաստանի եւ Ռուսաստանի
անվտանգության խորհուրդների միջեւ համագործակցության մասին
պայմանագրի ստորագրում:
Ըստ ՀՀ ԱԱԽ-ի քարտուղարի մամուլի գրասենյակի հաղորդագրության,
Ա.Բաղդասարյանը կհանդիպի նաեւ ՌԴ-ի փոխվարչապետ Սերգեյ Իվանովի,
ՀԱՊԿ-ի գլխավոր քարտուղար Նիկոլայ Բորդյուժայի, ՌԴ-ի Թմրամիջոցների
ապօրինի շրջանառության վերահսկողության դաշնային ծառայության
տնօրեն Վիկտոր Իվանովի, ՀԱՊԿ-ի Ռազմատնտեսական համագործակցության
միջպետական հանձնաժողովի Գործարար խորհրդի նախագահ, Ռուսաստանի
ռազմաարդյունաբերողների միության նախագահ Ալեքսանդր Նոզդրաչովի
հետ: Նախատեսվում է հանդիպում ՌԴ-Բելառուս «Պաշտպանական
համակարգեր» միջպետական ֆինանսաարդյունաբերական խմբի ղեկավարության
հետ:
ՀԱՅԵՐԵՆ
Русский
English
Դաս. հայերեն
French
