Սակրավորները սկսել են ականազերծել Մոսուլի արևելյան արվարձաններ տանող ճանապարհները
02-11-2016 17:26:43 | Իրաք | Միջազգային
Իրաքի հատուկ նշանակության սակրավորական ուժերը Մոսուլի արևելյան արվարձան տանող ճանապարհներն ականազերծելու աշխատանքներ են իրականացնում, որտեղ ԻՊ ահաբեկիչներն ականներ էին թողել:
Interfax.ru-ի փոխանցմամբ` Իրաքի հակաահաբեկչական ուժերի հրամանատարության գեներալ Աբդուլ Հանի ալ Ասադի խոսքերով` ազատագրված շրջանում հայտարարված է պարեկային ժամ, քանի դեռ զորքերն ամրապնդվում են այդ տեղանքում:
«Մենք մտավախություն ունենք, որ ԴԱԻՇ զինյալները կարող են ականանետերից գնդակոծել մեր ուժերին կամ քաղաքը: Մենք անվտանգության նկատառումներով խնդրել ենք մարդկանց չլքել իրենց տները»,- ասել է նա:
Միաժամանակ փախստականների հարցերով նորվեգական խորհուրդը նախազգուշացրել է, որ ավելի քան 1,2 մլն մարդու կյանքը Մոսուլում գտնվում է սպառնալիքի տակ, քանի որ մոտ ժամանակներում սպասվում է մարտերի թեժացում: