«Արդշինինվեստբանկ»-ը միացավ Intel Express միջազգային
վճարային համակարգին
29-06-2009 21:00:00 | Հայաստան | Տնտեսություն
ԵՐԵՎԱՆ, 29 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 29-ից
«Արդշինինվեստբանկ»-ի բոլոր մասնաճյուղերում հնարավոր կլինի
գումարներ ստանալ եւ փոխանցել նաեւ Intel Express միջազգային
վճարային համակարգով: Նշված համակարգին միանալու թույլատվությունը
բանկին տրամադրվել է ՀՀ Կենտրոնական բանկի համապատասխան որոշմամբ:
Ինչպես նշված է «ՆՏ»-ին տրամադրած հաղորդագրությունում,
մասնակցությունը Intel Express համակարգին հնարավորություն է տալիս
«Արդշինինվեստբանկ»-ին առավել արդյունավետ դարձնել դրամական
փոխանցումների իրականացման գործընթացը եւ թույլ է տալիս ընդլայնել
դրանց աշխարհագրությունը: Intel Express համակարգը թույլ կտա նաեւ
հաճախորդներին արագ եւ արդյունավետ դրամական փոխանցումներ կատարել
եվրոպական ավելի շատ երկրներ` ընդգրկելով սպասարկման նոր կետեր:
Ըստ բանկի Վարչության նախագահի պաշտոնակատար Գուգեն
Հարությունյանի, Intel Express փոխանցումների համակարգը ներդրվել է
բանկի բոլոր մասնաճյուղերում: