ՀՀ ԱԳՆ-ում տեղի են ունեցել խորհրդատվություններ Հայաստանի եւ
Ռուսաստանի արտաքին գերատեսչությունների միջեւ
20-01-2009 19:35:00 | Հայաստան | Քաղաքական
ԵՐԵՎԱՆ, 20 ՀՈՒՆՎԱՐԻ, ՆՈՅՅԱՆ ՏԱՊԱՆ: ՀՀ ԱԳՆ-ում հունվարի
20-ին անցկացվել են սփյուռքի հետ աշխատանքների հետ կապված
խորհրդատվություններ Հայաստանի եւ Ռուսաստանի արտաքին գործերի
նախարարությունների միջեւ: Հայկական կողմի պատվիրակությունը
ղեկավարում էր ՀՀ արտգործնախարարի տեղակալ Շավարշ Քոչարյանը, իսկ
ռուսական պատվիրակությունը գլխավորում էր ՌԴ ԱԳՆ արտասահմանում
հայրենակիցների հետ աշխատանքի վարչության պետ Ալեքսանդր Չեպուրինը:
Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ ԱԳՆ Մամուլի եւ
տեղեկատվության վարչությունից, կողմերը կարեւորել են սփյուռքի հետ
աշխատանքների հետ կապված խորհրդատվությունների պարբերական
անցկացումը: