ՄԱԴՐԻԴ, 10 ՄԱՅԻՍԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Իսպանական "La
Vanguardia" պարբերականը անդրադարձել է Հայերի Ցեղասպանության
խնդրին, պնդելով, որ հայերին «ոչնչացրել են երեկ եւ մոռանում են
այսօրե»:
Ինչպես փոխանցում է «Ազգ»_ը, թերթը գրել է. «Շուրջ 1,6 մլն
հայեր Օսմանյան կայսրությունում 1915-1918-ին ենթարկվեցին
պարբերական ոչնչացումների: Նրանց մեղքը միայն այն էր, որ հայ էին`
Օսմանյան կայսրության թշնամի ազգություններից մեկը: Նույնիսկ այժմ`
իրադարձություններից այսքան տարի անց, Թուրքիան շարունակում է
պաշտոնապես հերքել Ցեղասպանությունը եւ հայերի բռնի վտարման
փաստերը: Այնինչ Հայոց ցեղասպանությունը 20-րդ դարի առաջին
Ցեղասպանությունն է, եւ հենց այն է ոգեշնչել Հիտլերին` 1933-1945-ը
սպանել ու հետապնդել 6 մլն հրեաների, ոչնչացնել նրանց ֆաշիստական
ճամբարներում: «Որքա՞ն հայեր դեռ պետք է անհավասար պայքար մղեն
թուրքական քարոզչության եւ մեր «հարմար անտարբերության» դեմ:
Ստացվել է այնպես, որ հայերը ոչնչացվել են երկու անգամ. բառիս բուն
իմաստով ոչնչացվեցին «երեկ», եւ երբ նրանք մոռացության են մատնված`
այսօր: Ի տարբերություն հրեաների, որոնք կարողացան ստեղծել
միջավայր` իրենց կոլեկտիվ հիշողության պահպանման համար, հայերին
վիճակված է ամեն օր տանել սեփական ցավը` ուրացման եւ
անտարբերության պատճառով, որը նրանց դարձնում է այսօրվա զոհերը, ոչ
թե երեկվա»: