Բեյրութում ելույթ են ունեցել Համազգայինի «Բարսեղ Կանաչյան»
երաժշտական քոլեջի կիթառահարները
15-04-2010 20:32:00 | Լիբանան | Մշակույթ
ԲԵՅՐՈՒԹ, 15 ԱՊՐԻԼ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Ապրիլի 14-ին
Բեյրութի «Մոնո» թատերասրահում ելույթ են ունեցել Համազգայինի
«Բարսեղ Կանաչյան» երաժշտական քոլեջի կիթառահարների համույթը:
Ինչպես տեղեկացնում է «Ազդակը», համերգին ներկա են եղել մեծաթիվ
արվեստագետներ ու արվեստասերներ: Կիթառահարների ելույթը սկսվել է
Բախի «Մյուսեթ» ստեղծագործության կատարմամբ, որին մասնակցել է եւ
մեծերի, եւ փոքրերի խումբը: Ապա մեծերի խումբը կատարել է Թարրեկայի
«Մազուրկան», Պիացցոլայի «Լիբեր տանգոն», Լուիջիի «Ֆեստե Լարիան»
եւ այլ գործեր: Նրանց կատարմամբ «Զարթնիր լաո» երգն արժանացել է
ներկաների բարձր գնահատականին: