Ամերիկահայ թատերագիր Հրանտ Մարգարյանի նոր թատերախաղը
ներկայացվել է Նյու Յորք նահանգի Թատերական ինստիտուտի բեմում
08-04-2010 19:19:00 | ԱՄՆ | Մշակույթ
ՆՅՈՒ ՅՈՐՔ, 8 ԱՊՐԻԼԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ:
Նյույորքաբնակ հանրածանոթ հայազգի թատերագիր Հրանտ Մարգարյանի նոր`
«Լռություն` շրջանաձեւ ծիածանում» վերնագրով անգլերեն թատերախաղը
ասմունքի ձեւով երկայացվելու է Նյու Յորք նահանգի թատերական
ինստիտուտի բեմում, ապրիլի 31-ին եւ մայիսի 1-2-ին: Ինչպես
հաղորդում է «Մարմարան», Նյու Յորքի այս հռչակավոր ինստիտուտը
առաջին անգամ է հայ թատերագրի գործ ներկայացնում: Գլխավոր
դերակատարը հանրահայտ Լորեյն Սրապյանն է:
Թատերախաղի նյութը մարդկային կորուստն է եւ տառապալից
որոնումները: Այն պատմում է ընտանիքի մոր մասին, որի ամուսինը 1915
թվականին դավաճանաբար դատապարտվում եւ սպանվում է: Նա կորցնում է
իր չորս տարեկան որդուն եւ իր կյանքի նպատակը դարձնում նրա
որոնումը: